星級歌唱老師張崇德（Peter）和星級結他演奏家劉卓威（Jacky）今日（6月25日）宣布強強聯手，二人旗下音樂學校「MMP音樂人教室」及「Guitar Concept」將合辦首個線上歌唱班。記者會上，Peter和Jacky甫現身便即場表演《You Raise Me Up》（重新點起我生命），Peter負責唱歌，Jacky則彈結他伴奏，表現非常合拍。
互相欣賞變合作伙伴
Peter和Jacky雖然一個唱歌一個演奏結他，大家在不同範疇，但憑着對音樂的熱情，自然產生緣份，兩人相識就是透過Peter購買Jacky的唱片《MOVE ON》開始。Peter說：「呢張專輯製作得非常好，我仲以為係外國演奏家作品，後來發現原來是香港人製作，於是我喺網上主動聯絡Jacky，佢反應好受寵若驚。」Jacky笑着解釋，「梗係驚訝啦！細細個已經聽Peter唱歌，估唔到佢會買我張唱片，仲讚張碟製作得好！」
自此Peter和Jacky成為好友，加上各自都有開班授徒，當然有不少共同話題。Jacky特別感激結他學校被迫遷時，Peter二話不說騰出唱歌學校空間，讓Jacky照常教學生，Jacky說：「真係好多謝佢，我話未租到新地方，佢一借就畀我用足3個月，真係好難得有呢個好朋友幫手。」兩人在舞台上亦有不少合作，Peter跟哥哥張崇基10年前舉行演唱會時，也邀請Peter出任嘉賓，「好多人都唔相信演唱會中，可以表演結他獨奏，但Jacky表演完掌聲雷動，好音樂觀眾一定識聽。」而Jacky舉辦演奏會，也有邀請Peter做嘉賓。
線上班教導更多學生
這對好朋友平常話題當然離不開講音樂，雖然Peter以唱歌為主，Jacky則主力演奏結他，但因為兩人兼任「老師」身分，經常溝通下發覺原來教唱歌和教結他有很多共通地方，於是萌生合作教學的念頭，成為今次開辦首個線上歌唱班的契機，決定強強聯手。Peter笑言：「我通常都係單對單教學，最多都係教30人一班，但Jacky搞過線上結他班好成功，可以教到好多人。」Jacky坦言搞過最大型線上結他班，反應相當熱烈，「我試過線上班可以同時教到100個學生，所以跟Peter合作去做設計這個課程教唱歌，一定可以教到更多學生。」
這天Peter第一代學生蔡瀚億（BabyJohn），亦有親自撐場支持師傅開班，講到2002年15歲時首度跟Peter學唱歌，BabyJohn說：「好記得師傅教學方法，佢係會用好多遊戲，令我好容易理解唱歌嘅原理。」Peter認為唱歌要經常練習，「唱歌是為咗開心，用樂趣同生活化令學生更容易去學，就算佢哋收工謝咗咁嚟，都可以笑住咁走，而網上班就可以令到更多人開心。」最後三人還首度合作，Jacky彈結他伴奏，Peter跟徒弟BabyJohn合唱動畫《龍珠Z》主題曲，帶起這天記者會的高潮。最後Jacky和Peter還交換禮物，Jacky贈送專輯《MOVE ON》給Peter，Peter則送上最新撰寫的英文書《LIFE MUST GO ON》給Jacky。
