洪嘉豪新歌《拜託》剛剛推岀MV，新歌找來Larry Wong作曲、編曲及監製，及一直合作無間的陳詠謙填詞。新歌講述失戀後寧願一人靜靜消化也不希望旁人過份關心的想法與感受。
今次MV找來榮獲金馬獎及香港電影金像獎最佳新演員的謝咏欣飾演女主角，而嘉豪則飾演兼職出租的男友，偶然接下了有言語障礙的女主角邀請，陪伴她透過瘋狂購物及暴飲暴食發洩心中情緒，即使嘉豪自己也未走出自身傷痛亦很不解女主角當中用意，但相處一整天後，最後女主角邀請嘉豪一起暴飲暴食發洩，令嘉豪似乎找到釋放情緒的方法。二人更因MV 戲情需要學習手語，女主角於拍攝MV當日才收到手語教學，只能於拍攝空檔趁機學習，但拍攝時能兼顧演技及手語一take過，認真犀利！一向寵粉的嘉豪，更在MV拍攝前及推出後，每次見粉絲也做岀「拜託」的手語手勢，偷偷地向粉絲透露蛛絲馬跡，十分貼心！
嘉豪：「今次呢隻歌新歌叫《拜託》，其實係講一個人失意嘅時候其實未必需要太多嘅安慰但係可能需要一啲陪伴，同大家講唔洗理我㗎啦，唔洗過問但你係度就得㗎啦！」
MV中嘉豪又要暴飲暴食又要嘔，是否算是最辛苦的MV拍攝？嘉豪表示:「今次ＭＶ可能係我咁多個MV入面算係幾輕鬆㗎啦，雖然都要日曬雨淋，都要出啲汗，但係其實已經冇之前《黑玻璃》咁要上雪山、《只要你不尷尬》咁拍咗廿幾個鐘嗰啲辛苦，但係今次拍攝過程有暴飲暴食同埋嘔嘅部份，而其實我唔係真嘔，嗰啲係威化餅加奶，都原來幾好食㗎喎哈哈，至於大家見到我好真實咁嘔，其實嗰啲係戲嚟㗎哈哈，所以個演技係有㗎！！」
嘉豪首次嘗試為新歌MV創作劇情，問到Kaho可有設計一些情節讓自己拍得舒服點？他笑說:「今次MＶ其實自己都有份參與創作嘅過程，咁其實有冇創作一啲劇情令到自己舒服啲呢，係有嘅，大家留意嘅MV個主角其實係個女仔，咁所以嗰啲赤腳行呀辛苦啲嘅就交哂比佢哈哈！」
被問到現實中的有沒有想過找出租女友或嘗試一下做出租男友？他表示現實中暫時沒有需要出租女友，認為比起戀愛好像一場交易，也沒有想過要做出租男友，他笑說：「咁當然如果有銀碼好大嘅睇下有冇人搵我做返⋯⋯哈哈哈！！」而現實中的嘉豪失戀時希望自己一個過渡，還是希望有成班朋友玩樂忘記前任？他說：「我都想啲朋友喺身邊，但係我又唔會講(訴苦)囉，所以都係有呢首歌嘅精髓喺度，所以呢首歌好啱我㗎！」
Kaho續說：「繼《黑玻璃》MV後今次再有車嘅元素，其實我今年都好想放多啲車嘅形象落MV，所以而家有小小擔心下一個MV唔知放咩車落去好，哈哈！好開心今次搵咗現代一個表現好勁嘅電車IONIQ 5 N，其實我自己都心儀咗呢架車好耐，好想試亦都好想擁有，見到實物覺得靚好多。因為我自己本身係比較抗拒電車，但原來電車可以有一個咁嘅表現我係好震驚嘅！」
