早前，JW為新歌《FF》 拍攝MV，今次MV JW很開心可以找到她2018年紅館《Never Too Early》演唱會嘅監製Jack Lam 幫她操刀拍MV，因為大家之前合作過已經很有默契，所以拍攝非常順利。
MV內JW飾演多個造型，有搞笑神婆、性感特務、馬術練馬師、恐怖小丑等。JW說：「我都係第一次拍MV要飾演咁多個角色同造型，不過我好開心，因為我除咗鍾意唱歌之外都好鍾意演戲，今次有咁多角色又可以俾我發揮一下，我覺得好好玩呀！」
導演找了一位六舊腹肌的男Model同JW做對手戲，其中有場戲導演要JW挑逗型男，將型男嘅衫打開，場面十分搞笑。JW說：「其實仲有好多場戲都好搞笑，有一場因為後期要加好多槍戰特效，所以我同男Model Carty做呢場戲嘅時候要扮避開啲子彈；另外又有一場導演要我扮瞓着覺流口水，呢場戲全場爆笑，連我自己都忍唔到笑，不過真係好好玩。」
