張天賦赴台拍 MV 做司機 獲導演女主角大讚好演技兼好可愛

張天賦赴台拍 MV 做司機 獲導演女主角大讚好演技兼好可愛

MC張天賦於月初連飛日本台灣兩地拍攝電影及新歌《抽》的MV,新歌未上架今日MV將會率先首播!早前MC已打定底話MV會有粉絲可接受程度嘅親密鏡頭,前日MV預告一出,雖然MC已再戴頭盔話「劇情需要、各位冷靜」,但粉絲見到MC攬住女主角嘅劇照仍然群情洶湧紛紛留言話無法冷靜!MV由曾執導蔡依林、林俊傑、吳青峰MV並曾入圍金曲獎最佳音樂錄影帶獎的知名女導演黃婕妤執導,並由曾跟舒淇上表演課的台灣大勢新人詹子萱擔任女主角,而MC則飾演默默陪伴著大小姐的司機。今次新歌寫的是若即若離的情人以及寂寞感覺,是繼大熱作《記憶棉》後讓歌迷期待已久的悲傷情歌!

張天賦赴台拍 MV 做司機 獲導演女主角大讚好演技兼好可愛

原來MC之前從未去過台灣,問到今次拍攝有無令他難忘的事?「MV入面有幾個情節係幾過癮嘅,今次我飾演一位司機,喺MV入面要揸車,所以第一次嚟到就要喺台灣揸車!而且台灣係左軚所以都要時間適應吓。第二係去釣蝦場,因為從未去過,我覺得幾好玩呀!第三樣就係,其中一個情節係講我同女主角會有一個『結局』,大家都會俾啲感情出嚟,我覺得今次自己喺演技上都算係一個合格、滿意嘅程度嚟,呢個亦都賦予咗少少成功感俾我!」司機場口要抹車,MC認真拍完一無roll機就要玩吓,對住同事鏡頭扮無奈話:「公司同我講話佢哋budget少咗啲,所以要我幫手抹車冚返少少budget!」

張天賦赴台拍 MV 做司機 獲導演女主角大讚好演技兼好可愛

問到MC初次與台灣團隊合作覺得怎樣?MC大讚:「好溫柔、好專業!最後子萱要喊嘅一場戲佢做得好到位,而導演都好爽快,因為我哋嘅行程非常緊湊,只得兩日拍攝,所以我覺得佢將事情都處理得非常好!」導演和子萱直言對MC的素顏第一印象是「很可愛」!搞到MC即刻扁咀話:「第一次被形容可愛…」導演表示MV裡面其實有很多需要演技的場口,而因為之前完全沒有看過MC演戲,所以未見面之前確實很擔心,但開拍之後卻讓她刮目相看,「而且不只我,是整個團隊!我們私底下都有討論,攝影師呀美術呀,大家都覺得你(MC)是一個很天生的表演者!就是很細微的那些東西,因為透過鏡頭都是看得到,所以合作起來就鬆了一口氣!」MC聽到導演誇獎即飄飄然直呼:「真的嗎?好爽!哈哈!」

張天賦赴台拍 MV 做司機 獲導演女主角大讚好演技兼好可愛

問到導演覺得MC可以挑戰什麼角色,她覺得MC的戲路也很闊:「因為你自己本身有個hip-hopsoul,我覺得你是很有天份所以我覺得可以嘗試⋯⋯殺手吧!」MC一聽到立刻同導演約定一有合適角色就要找他拍!

張天賦赴台拍 MV 做司機 獲導演女主角大讚好演技兼好可愛

雖然拍攝時間好緊湊,兩日裏面只瞓了幾小時,到拍攝完成臨上機前才可以跟團隊打個早餐邊爐,而天氣亦比想像中熱,但MC仍然享受初次外地拍MV的經歷:「喺呢個極端天氣下拍攝過程係幾愉快嘅!一來因為我平時係個好懶嘅人,如果我自己一個去旅行嘅話我都未必去到咁多地方見到咁多嘢,而今次嚟台灣見識咗釣蝦場啦、了解咗佢哋嘅文化同食咗好多好嘢,個過程係開心嘅!不過美中不足嘅係個行程實在太密啦,一日要拍十幾廿個鐘,完全無時間去周圍走吓,所以有機會都想嚟玩多次!」

音樂娛樂

「香港唱片店日2024」首天反應熱烈 為活動打了一支強心針

由香港唱片商會首次舉辦的「香港唱片店日2024」 (Record Store Day Hong Kong 20 […]

閱讀更多
音樂娛樂

曾志偉讚賞「中年好聲音2」一眾歌手 在演唱會中用心唱歌 觀眾是看到的

由韻律動力基金有限公司及義務工作發展局主辦,「eeFit 依飛老有所依活動呈獻:中年好聲音 2 隆重登場慈善演 […]

閱讀更多
音樂娛樂

澳門新人女子組合ALL IN 無畏女孩火辣遊峇里島 化身小粉絲與師兄劉浩龍、小肥拍片合唱

ALL IN 無畏女孩 出道後首次參與公司旅行,驚喜生日蛋糕及獲益良多。 「ALL IN」 出道後,一直忙着各 […]

閱讀更多