洪嘉豪「獲邀」出席 《Cleanse》院友專場簽唱會 玩遊戲擺烏龍被笑 你識唔識玩架?

洪嘉豪Cleanse院友專場簽唱會

洪嘉豪《Cleanse》

近年人氣急升的洪嘉豪(院長)最近推岀全新專輯《Cleanse》,專輯推出當日立即「斷貨」,不少「院友」撲碟支持偶像,更不惜重金包場於日前在九展Music Zone 誠邀嘉豪「出席」《Cleanse》院友專場簽唱會!

一向愛錫粉絲的嘉豪於活動當日獻唱《海邊的阿豪》和《隨波逐流》,和粉絲近距離大玩小遊戲之餘更有求必應和到場支持的粉絲逐一簽名合照!又玩又唱又簽名,足足玩咗10個鐘!!

其中一個遊戲玩誰是臥底,嘉豪以為自己係臥底擺烏龍,被Fans笑「你識唔識玩架?」及後逐一送贈親筆簽名海報時笑言:「好似畢業典禮咁派畢業證書!各位院友畢業啦!」

嘉豪說:「嚟到綵排既時嘅好驚訝,佢哋完全當一個小型Show咁做,又搵咗我老友Oscar嚟做今次既主持一齊玩,仲有成隊Crew嚟拍片又影相咁,見到在場走走趯趯既「工作人員」全部都係平時出嚟支持我既fans,嗰種感覺雖然有啲唔慣但係好感動,好多謝佢哋一路咁支持我。近半年少咗機會見到大家,唔係離港工作就係喺錄音室錄歌,所以好開心有呢一個機會可以同佢哋玩吓遊戲 傾吓偈 見吓面,但係因為場地有限,就算係fans Club嘅會員都要抽門票先嚟到,好記得有一位fans佢同我講,佢專登係外地飛嚟香港參加今次活動,我幫佢簽完名之後要趕去機場搭飛機走,所以好希望嚟緊定期都可以有fans meeting見哂咁多位院友啦!!」

最後嘉豪更揚言嚟緊下半年陸續都會有工作上既大project宣布,院友要密切留意啊!!

 

音樂娛樂

影帝任達華 為好友區瑞強獻出「第一次」 擔任演唱會嘉賓 觀眾瘋狂打卡

區瑞強(Albert)於11月17至19日於伊利沙伯體育館舉行三場入行50周年演唱會「區瑞強50·50經典演唱 […]

閱讀更多
音樂娛樂

《張學友60+巡迴演唱會 香港站》 乘風啟航12月登陸紅館

  走過澳門、新加坡、馬來西亞、武漢、廣州等多個城市,《張學友60+巡迴演唱會》終於在樂迷熱切期待下 […]

閱讀更多
音樂娛樂

尹光伙拍「AI尹光」出新歌,大談與AI合作原因及入行心路歷程難忘事

11月4日將會於紅館舉行演唱會的尹光,日前接受新城電台節目《自主人生》訪問時,談當初為何會將AI原素帶入自己的 […]

閱讀更多