今日生日的JW, 收到好多Fans 嘅祝福，而近日忙於拍攝《痞子殿下2 – 痞子無間道》的她 ，日前抽時間為她的新歌《分手後的自癒療程》拍攝MV。
JW說：「因為最近太忙，這首歌都交給唱片公司幫我去諗，所以喺曲詞方編方面我都沒有參與太多，到籌備MV嘅時候，我真係希望貢獻返，自己拍真係唔同啲嘅！」
她再說：「如果你哋睇咗MV嘅話，會見到一場我喺到淋住花灑一路沖涼一路喊嘅戲，其實呢場戲係我一直好想拍嘅，因為我見到人哋拍嗰啲沖涼嘅戲係好靚，我自己有時沖涼都有試過一路冲一路喊，覺得花灑同啲眼淚一齊嗰種感覺好慘，所以我同導演提出可唔可以拍一場咁嘅戲。」說到沖涼戲，JW再說：「其實我係有條毛巾圍住，但係一濕水原來條毛巾係好重，我一邊要交戲，一邊要按著條毛巾不要讓它掉下來，諗返都幾搞笑。」
另外JW婚紗的那一場戲，導演要求JW喊，她叫導演播隻歌俾15秒時間佢，她15秒之後立即喊了出來，她說：「原來拍劇真係可以訓練出來的啊！同埋好開心，MV入邊嘅婚紗都係我自己揀㗎！」
MV link:
MV拍攝花絮：
