MC張天賦舉行新歌發佈神秘派對 新歌《百萬大道》首次獨力親自作曲 昐望今年推出四首歌曲

​MC張天賦《百萬大道》

MC張天賦日前於中環酒吧舉行新歌神秘派對,以獨特方式發佈新歌,向大家介紹他首次獨力作曲的新歌《百萬大道》,亦首度演唱其最新專輯的歌曲《September with you》及《Butterfly》。

​MC張天賦《百萬大道》

MC:「今次其實係一個非常有新鮮感、好有型、好創新嘅一個新歌發佈會,係以一個私人Party嘅形式去邀請咁多位唔同嘅朋友去見証呢一首歌嘅誕生!而且我認為場地係非常之適合《百萬大道》呢首歌嘅主題!今次呢首歌就叫《百萬大道》,亦都係第一首由我自己全首作曲嘅派台作品。其實當初我諗呢首歌嘅嗰個場景係一種低調嘅型啦,可能係喺高速公路揸緊車嘅時候嗰種Cool Cool地嘅心情,不過同監製陳考威溝通過之後就覺得,不如將呢首歌變成Rock Rock地嘅、有型啲嘅歌!再加上陳詠謙嘅填詞,最後就變成而家嘅《百萬大道》!」

​MC張天賦《百萬大道》

​MC張天賦《百萬大道》

MC自三月推岀第三張個人專輯《Treble》後一直久未露面,原來一直默默努力作曲,向作曲人進發!他說:「遲遲未出歌既原因係因為喺年頭嘅時候亦都有好多工作需要完成,例如電影嘅拍攝、補拍,歌曲方面就需要繼續去寫歌,鑽研唱歌技巧,再加埋就係籌備嚟緊嘅演唱會。」

​MC張天賦《百萬大道》

新歌《百萬大道》MV 由頭Chok到尾有玩結他、扮揸車、玩啤牌籌碼嘅畫面,係唔係你所有MV當中最輕鬆的一個?MC:「今次MV我覺得未必係我最輕鬆嘅MV,目前我覺得排第一(輕鬆) 會係《花海》,一來 (百萬大道MV) 拍攝時間長啦,二來我認為《百萬大道》MV最困難嘅地方係喺服裝,一來有好多有窿窿嘅衫,所以喺行嘅時候要好小心,而且都要佩戴好多首飾,其實條頸都幾重,哈哈,希望大家會鐘意!」

​MC張天賦《百萬大道》

問到MC今年會有多少作品面世?可有計劃包辦下一張專輯的作曲部份?他說:「嚟緊可能會有3-4首歌會Keep住面世,一來都希望可以趁住演唱會帶到呢啲歌比大家聽,而且呢啲歌曲好大機會係由我自己去作曲,希望大家可以期待一下,不過當然除咗新歌之外亦都可能會有電影啦、可能會有演唱會啦,所以都會有好多見大家嘅機會!」

陳卓賢《以孤獨命名》
音樂娛樂

推出《以孤獨命名》回歸虐心式情歌 陳卓賢七場個唱盼歌迷不帶前設入場享受當下

正在如火如荼籌備7月19至25日七場個人演唱會的陳卓賢Ian,今年繼推出了《Lost at first sig […]

閱讀更多
柳應廷新歌〈約齊靈魂在墳墓開生日派對〉
音樂娛樂

柳應廷為〈約齊靈魂在墳墓開生日派對〉MV大玩造型 倒帶拍攝手法添畫面怪異感

柳應廷新歌〈約齊靈魂在墳墓開生日派對〉,從歌名到歌詞內容到編曲都怪誕到底,予人離奇怪異的感覺,而歌曲MV同樣貫 […]

閱讀更多
力臻 Lagchun〈我的課本留白處〉
音樂娛樂

力臻 Lagchun 與學生一同從學校「畢業」 新歌〈我的課本留白處〉大談青春遺憾

力臻 Lagchun 除音樂人身份外,還有另外一個特別身份 ——「數學教師」黃Sir。但令人無奈是他的教師身份 […]

閱讀更多