久未推出個人跳唱作品 邀請嘉賓齊齊又跳又演 Fatboy@ERROR獲Win Win與Candy@COLLAR助陣 新歌〈Phat N Fresh〉揼本製作 場景設計別具心思

久未推出快歌的ERROR隊長Fatboy梁業,最新派台作品〈Phat N Fresh〉以又型又充滿新鮮感的方式炮製MV,而且更找來楊安妮(Win Win)及王家晴(Candy@COLLAR)助陣,勁有睇頭!

一直以來Fatboy個人的Solo作品多是慢歌,但有感大家都很喜歡看他跳舞,所以最新派台作品〈Phat N Fresh〉便是一首節奏澎湃的跳唱作品,而歌名中的「Phat」,除了有有型的意思外,更是取其名字的諧音「Fat」,Fatboy笑言:「又有型又Fresh,即係我囉!」而MV更加入大量的跳舞場面,Fatboy透露:「我參考咗Seventeen分隊BSS〈Fighting〉MV,覺得佢哋嘅Concept、玩法好適合我,既可以呈現跳舞又有戲份,所以〈Phat N Fresh〉裡面都有一個景,包含超級市場、遊樂場同Gym房,當一班人跳舞嘅畫面,就會睇到成個景有幾靚!」整個廠景極具心思又揼本,例如超級市場內擺放了印有Fatboy嘜頭的穀物早餐及柔順劑,遊樂場裡又有1:1的搖搖板、氹氹轉,而整個廠景的中心更有超巨大熊Bear Bear公仔,再加上繽紛的用色及劇情,令MV畫面濃罩著愉快的氛圍。

Fatboy自言今次是一個自肥的MV,他與Candy會有「感情戲」,至於劇情內容,就要睇過MV才知道,至於跳舞部份,他特別找來Win Win 一齊玩,肥仔說:「香港女Artists跳得勁嘅,Win Win係其中之一,所以一定要搵佢!今年都想同佢做一啲Project,因為同佢幾啱玩,一齊合作多啲玩多啲,呈現俾大家睇,我哋覺得好睇嘅舞蹈係乜嘢。」兩個都是跳得之人,今次〈Phat N Fresh〉可有將舞蹈動作難度提高?Fayboy道:「唔係隻舞有幾難,因為怕大家想跟住跳跟唔到,所以反而諗心思位,一啲Signature Move,再加心思,放喺畫面走位,等大家睇得開心過癮。」今次Win Win參與MV拍攝,她說自己未諗過酬勞問題,更說:「Fatboy係我嘅大恩人、大前輩,出到聲一定會幫,諗都冇諗,冇錢或者貼錢都會跳。」Fatboy聽罷即道:「唔會要你貼錢!對住佢唔敢話俾幾多酬勞,但佢鍾意條褲咪送俾佢。」

今次〈Phat N Fresh〉有資深排舞師Ocean負責排舞,Fatboy並未擔心舞步好唔好睇,他反而擔心Candy較難Pick Up,不過COLLAR經理人Wing曾對Fatboy說:「啱喇,迫佢跳多啲!」就因為這一句,Candy亦落力排練,Fatboy都大讚她大有進步,更說:「Candy都好勤力,有段Dance Break,開頭都有問會唔會覺得太難跳,可以選擇跳唔跳,但Candy最終揀咗跳,咁佢就要自己攞條命出嚟!不過有難度先有挑戰,留喺Comfort Zone冇意思。」Candy自己都認同,說:「係呀,而家跳到都幾開心。」Fatboy即笑言:「下次跳Jazz Funk?」Candy想也未想便表示冇問題!大家就拭目以待喇!而Fatboy亦感激Candy即使中途有不適仍繼續頂落去跳到最尾,直言要給對方120分!

梁業〈Phat N Fresh〉MV現已於ERROR YouTube Channel推出。
ERROR YouTube Channel – https://www.youtube.com/c/ERRORweare

音樂娛樂

「香港唱片店日2024」首天反應熱烈 為活動打了一支強心針

由香港唱片商會首次舉辦的「香港唱片店日2024」 (Record Store Day Hong Kong 20 […]

閱讀更多
音樂娛樂

曾志偉讚賞「中年好聲音2」一眾歌手 在演唱會中用心唱歌 觀眾是看到的

由韻律動力基金有限公司及義務工作發展局主辦,「eeFit 依飛老有所依活動呈獻:中年好聲音 2 隆重登場慈善演 […]

閱讀更多
音樂娛樂

澳門新人女子組合ALL IN 無畏女孩火辣遊峇里島 化身小粉絲與師兄劉浩龍、小肥拍片合唱

ALL IN 無畏女孩 出道後首次參與公司旅行,驚喜生日蛋糕及獲益良多。 「ALL IN」 出道後,一直忙着各 […]

閱讀更多