喺咁多冷凍食品入邊，冷凍雲吞可以話係最受歡迎嘅冷凍食品之一。 一包好嘅冷凍雲吞可以做到口感Q彈，肉餡鮮嫩多汁，入口即化。成為疫情其間，喺屋企防疫最不可或缺嘅美食之一。今日小編就為大家帶黎四款皮薄餡靚嘅冷凍雲吞，其中一款竟然仲係手工製作既?!
1.灣仔碼頭 薺菜馬蹄木耳素雲吞
相信大家都對灣仔碼頭呢個品牌唔陌生，今次要介紹呢個薺菜馬蹄木耳素雲吞最特別之處係，呢隻雲吞嘅餡料係全素菜製成，入邊嘅馬碲爽脆清甜，配合口感柔軟而又不失咬口嘅黑木耳，令到成隻雲吞口感非常豐富同埋清新，一啲都唔輸蝕用肉做餡料雲吞架，好適合一啲減緊肥嘅人，或者素食人士去食用~
2.麥文記原隻虎蝦雲吞
比起一般常見嘅雲吞，呢款麥文記嘅招牌全蝦雲吞最特別地方就係餡料選用左原隻虎蝦，而且所有雲吞都係人手製作而成。你地無睇錯啊! 真係有冷凍食品係用人手製成，隻隻雲吞都係工人姐姐落手落腳人手包出黎架。咁人手製作既冷凍雲吞味道又點呢? 咬落去嘅雲吞有別於用機制成嘅雲吞，口感更Q彈，更札實。而原隻虎蝦帶黎既鮮味亦都將成粒雲吞層次昇華。 比起大家食開嘅雲吞多左份新鮮感及人情味
3.廚神工房 – 芫茜豬肉雲吞
接住落黎就會介紹廚神工房嘅芫茜豬肉雲吞，呢隻雲吞最特別地方係竟然用芫茜去製成。成粒雲吞咬落去口感滑嫩，豬肉嘅餡料鮮香多汁，而且豬肉配搭芫茜嘅風味好獨特，同一般嘅冷凍雲吞完全唔同。可以話好適合一啲好鍾意食芫茜嘅人，芫茜配搭埋豬肉嘅鮮味真係可以將芫茜香味帶到去另一個層次~ 鍾意芫茜嘅你就唔可以錯過啦
4.東東 – 鮮蝦雲吞
最尾就要介紹東東 鮮蝦雲吞，東東鮮蝦雲吞採用左原隻鮮蝦製成，蝦同豬肉嘅比例喺黃金比例4:1。雲吞食落去口感極佳，肉質鮮嫩又多汁，配合埋原隻鮮蝦帶黎既鮮味，所有肉汁同埋鮮味喺口到爆發。而且東東雲吞價錢CP值都幾高，好適合買幾包放係屋企入邊以備不時之需架~
以上四款雲吞係各大連鎖超市，以及網店都有得買架~
